7-Eleven 請睇《怪獸大學》優先場 x 筆Buddies 入手

0

前日獲 7-Eleven 邀請去睇迪士尼‧彼思動畫:《怪獸大學》優先場。老實講,真係超級興奮又感動~等咗好耐啦!

入場前見到呢個爆谷海~丫唔係,係呢張爆谷枱(爛)…超級壯觀!

我都知我夠驚嚇架喇…阿媽──!我成功入到怪獸大學修讀嚇人系啦!

今次呢套《怪獸大學》動畫真係幾好睇,有創意,有驚喜,有啲位仲堅好笑。仲有中文版連畫面有英文嘅細節都全部畫返晒中文,好細心,大小朋友都啱睇易明;仲有幾日就係 7 月 11 日正式上畫啦!

除咗有好戲睇,仲收到呢套《怪獸大學》x《反斗奇兵》特別版嘅「筆 Buddies」全套!超──級──開──心──!我愛毛毛~大眼仔~三眼仔~勞蘇~~~~(大叫)

但我反來反去…反來反去…發現原來冇隱藏驚嚇版喺入面,有少少失落 T^T~

唯有襯而家起到 8 月 20 號,去 7-Eleven 買買買…買滿 $20 就可以得到印花 1 個。儲夠 6 個印花 加 $20 或者儲齊 16 個印花就可以隨機抽一隻「筆 Buddies」公仔啦!希望我抽得中特別版啦……

另外,都要多謝 7-Eleven 送出嘅咖啡及思樂冰換領券喔!好貼心呢~


發表迴響