腦記春茗 IT Reporter’s Spring Dinner 2011

0

尋日係一年一度的腦記春茗,俾一班腦記同 PR, Marketing 等人聚埋一齊食餐飯,今年亦都歡迎
Bloggers 及其他 IT 從業員參加。贊助商送出的禮物都非常豐富呢,每一年都唔少參加者帶左
新電話同電腦設備返屋企。今年禮物都好豐富呀,有 iPhone 4 連合約、Huawei Ideos、Blackberry Torch 等。

每一檯都有獎品,晌自己隻碟底搵到三種顏色的貼紙就可得到指定禮物…
因為我們檯人唔齊,有禮物冇人領,最後就大家將佢地分左。

玩遊戲可以得到獎品,第一個遊戲係 30 秒內寫出贊助商的公司全名,我地果檯最少人,
個重任交左俾我…好餚!寫完一堆名之後,我地竟然以寫到四個正確的公司名而嬴左…
不過仲要晌全檯抽出一位幸運兒的,最後同由同檯的 Raymond 抽中左海洋公園門票 2 張,
第一次見到以海洋奇觀及海龍王餐廳作封面,以及可一帶五進場的門票…那兩張門票總共可以 12 人進場,正!

第二個遊戲是鬥同檯 SD 卡容量最高的…講左我們檯人較少,又點會嬴 =_=”
然後就係鬥交換卡片最多,拎到全場所有人的卡片就可得到獎品,呢個都係冇可能發生晌我身上的 =_=”

最後係抽獎,頭十份係俾腦記的禮物,之後的禮物先係人人有份抽。
非常 Lucky 地同事 Christy 抽中左 PCCW 送出的網上行 eye2 Device 連 12 個月 eye2 通訊組合服務,
當佢拎左返檯之後,我借黎影相,完全冇理會下一份獎品,點知…聽到 Francis 嗌 Joanna…?
我個反應係:下?唔會掛?因為同公司連續被抽到的機會少之又少嘛,而且向來我冇咩抽獎運 =_=”
我竟然也抽到了網上行 Everywhere 12 個月無限無線上網服務連 Pocket Wifi E5832S…
超 Lucky!也超實用耶!可以拎黎同我張 Eye-Fi SD 卡玩了!

諗起交換卡片的時間,都有點無奈的事,唔少人都知我公司主力做 iPhone Apps,
雖說都有做 Android、Symbian 等 Apps 的,但有時出席活動同唔同電話製造商碰頭時,
派卡片果下都真係有點尷尬…當然有大部份都非常大方亦唔介意,但我今日真係第一次直情被人串同黑面……

Anyway 今日好開心見到好多已認識卻少見面的腦記們,亦好開心識到好多新朋友。

後加一句,明就明,唔明就算 XD 為 Sam Wu 乾杯!

發表迴響