HTC Incredible Art Jamming with Desire

0

雖說,音樂都係屬於藝術既一部份,之不過身為音樂人,原來真係可以對繪畫毫無頭緒!第一次參加 Art Jamming 活動…滿心期待走到去,先發現原來我一點繪畫天份都冇,甚至有恐懼!真係枉我阿媽係美術導師… XD 我連揀咩畫筆都好迷!

其實今次係 HTC 為配合最新 Incredible S 同 Desire S 著重外型設計的手機而設的美術活動,尤其焦點晌 Incredible S 凸起的背部,形狀仲會令人聯想到 Sim 卡,望落真係好有型有款。之不過放晌檯上面,部機好似離開左張檯…講手感既話 Incredible S 的防滑設計係唔錯,不過好易刮花…個人都係喜愛 Desire S 的鋁合金物料,不過睇落部機望落就平平無奇好多。但係 Incredible S 個 4 吋 Mon 真係好吸引…顏色又 Sharp…尤其用黎睇片,感覺好正。

因為我朝早有野做 Miss 左手機簡介同試用部份,加上公司做 Mobile Apps Development 既我講 Technical 野太多喇,今次唔多講硬件同效能,畢竟呢個都係一個著重手機設計既活動。除左外形之外,手機都包含唔少設計方便用家,比如相機內置多個特效都幾好玩,即時將相片打格仔,加點點,懷舊,仿針孔相機特效等…由內到外都好著重個藝術感。

晌咁濃厚藝術氣氛底下,唔少得個主題 ─ 齊齊玩 Art Jamming…
你睇!人地畫得幾靚 >_<!我果張太醜樣…千其唔好要我貼出黎!我要搵窿捐…

發表迴響