Ricoh CX5 試玩記

0

謝謝 Ricoh 邀請試用近期推出的最新 CX5 相機。CX5 外表上同上一代 CX4 幾乎冇分別,不過功能同效能上進步左唔少。一樣都係黑、銀、粉紅三隻顏色,但我都係較為鐘意 CX4 隻桃紅色。

我最鐘意部機都係影微距,真係好正…近到 1cm 都影到好清晰的紋理…岩晒成日近距離影食物同小飾物既我。
話說,坐我隔黎的 Dougmak 將個鏡頭掂住左件蛋糕影相都唔知 XD

CX5 亦支援近來熱賣的 Eye-Fi SD 卡,隨時開關傳送功能(慳返好多電)以及檢查相片上載左未。
(相機用 Eye-Fi 卡影完相可即時自動傳送相片到 iPhone、iPad、Android、Facebook、Flickr 等)

CX5 更內置左 14 個場景模式,有食物、夜景、遠景、寵物、高感光度、煙花、連拍等…仲有色彩對比鮮艷的LOMO玩具相機模式,柔焦、負片正沖、仲有可以影到好似影緊迷你模型的微型模式等等…

個人非常喜歡 Lomo 模式,顏色好 Sharp,CX5 比起好多 DC 仔真係多好多野玩!

部機對焦都幾快,而且 Zoom 到最遠都影得好清。

但我遇到一個問題,唔用連拍模式,連續影幾張相的話,第三張相會突然黑晒,好似感光做唔切…不過好少可會咁樣密密影既,又唔算大問題。

二千幾蚊,玩到咁多野,質素又唔錯,係幾抵玩。


發表迴響