Skagen Denmark 2012 春夏系列

0

近來,有唔少常見嘅朋友都留意到我手上載左隻 Skagen 嘅新手錶。

佢哋部份都知道,我向來唔戴錶出到門口,係會立即周身唔自在,所以對手錶都有要求。
既要錶面夠大,又要睇落唔累贅,時間清晰,防水,靚得嚟錶帶仲要防敏感。(好麻煩呀可XD)

早前收到 PR 邀請,出席 Skagen Denmark Bloggers 聚會,
講真,被邀請前我真係冇乜留意 Skagen 呢個品牌,直到活動當日,先真正認識到 Skagen 嘅產品。

Skagen 嘅手錶各有其獨特嘅設計概念同特色,除左手錶,仲有推出首飾及太陽眼鏡掭。

活動當日舉行咗一項比賽,就係晌現場展示嘅產品當中,選擇最能代表自己嘅產品,
解釋原因,講得最好嘅頭三名得獎者,可以到 Skagen 店舖揀任何一件自己喜愛嘅產品做禮物啊!

因為當日我著左條藍色紗裙,配黑色外套,我揀左上圖藍色海浪紋加黑色外圈嘅手錶,
同我一身打扮簡直絕配!錶面中間嘅海浪波紋更能代表我個名 – 海藍呢!

後來得知,原來 Skagen 位於丹麥北面,係個碧海藍天,優雅嘅海岸城鎮,
兩個海洋交會,所以 Skagen 產品設計,尤其係呢隻海藍色嘅手銀,
靈感來自海洋嘅啟發,亦不失優雅、簡單、自然美感。

知道更多產品嘅設計概念及靈感後,對佢地加添多一份欣賞及喜愛。

最後,實在感激 Skagen 讓我成為其中一位幸運兒,可以去 Skagen 店舖揀佢作為禮物。
好靚呀!我一定會日日戴住佢出街!

Skagen Website: http://www.skagen.com/

更多照片:




發表迴響