Happy Wednesday’s Back~!

0

咁大個女第一次入馬場睇賽馬!講真…我連點買馬都唔識 XD 真係好鬼新奇有趣!

馬季開鑼,逢星期三晚,跑馬地馬場都會舉辦狂歡派對,就跟同事一齊黎玩下。
除跑馬以外,仲有豐富遊戲,同埋啤酒園俾大家飲下啤酒同香檳,一班朋友玩返晚。
仲有 Dear Jane 表演掭呀!嚟緊 19/9 仲有 C AllStar!心思思好想再入場…

嘩嘩嘩…好熱鬧呀!原來馬場咁大…同埋賽馬日咁墟冚架?(OK 我知我見世面少……)
問左好多問題,知多咗賽馬流程,最出奇嘅係我而家先知原來每場賽事開始果陣,
除攝影車外,仲會有架救護車跟住啲馬一路駛住 Standby 架(得…我知我好 Out …)

比賽過後贏左嘅馬匹同騎師都會入看台區域,披上勝利披肩~俾大家影返張靚相。
(我超鐘意馬,難得超近距離接觸我竟然冇帶相機…好彩用手機影都唔太差 T^T)

旁邊就係 Beer Garden 啤酒園啦!裡面除左喜力啤酒,生力啤,仲有麒麟啤可以揀。
到室內上一樓嘅飲食櫃位仲有紅酒同香檳,都係晌呢度換領免費香檳!

其實場內有好多機會可以換到免費香檳同啤酒,以上係其中一款抽獎遊戲,睇運氣啦;
場內仲有其他靠眼明手快嘅遊戲,同樣可換取香檳券。更有趣嘅係有影飄浮相攤位呢!

收穫豐富~~杯香檳好好飲喎!係細杯咗少少…令我好想玩多個遊戲換多杯啫…
不如……星期三再嚟玩咯 \^0^/

發表迴響